تازہ ترین  
Tuesday
12-12-17

ہوا صداوں کا کیا کرے گی؟
    |     2 months ago     |    اردو شاعری
ہمیں سمندر کے ریت ہونے سے
کیا ملے گا؟
ہمیں ہواوں کا زور سچ مچ ڈرا رہا ہے
سنو !
سفینہ بھٹک کے اس طرف آرہا ہے
گلاب چہروں کو
سیپ چننے سے
روک لو گے؟
صدائیں دیتا ہجوم کشتی کا بوجھ
لہروں میں بانٹ دے گا
خدا کی آنکھوں میں ریت اڑتی تو
ہم سمندر کو ساحلوں پر تلاش کرتے
جہاں گھروندوں میں خواب
خوابوں میں زیست کرنے کے مقبروں کو
امنڈتی لہریں گرا رہی ہے
جہاں پرندوں کے غول
ہجرت کے سرد لمحے منا رہے ہیں
جہاں پہ بادل نہا رہے ہیں
ہوا صداوں کا کیا کرے گی؟
ہوا صدائیں چرا رہی ہے
ہوا اسی سمت آ رہی ہے
اسے سمندر کے ریت ہونے سے کیا ملے گا؟
...............
شاعر : انور زاہد
Feedback
Dislike
 
Normal
 
Good
 
Excellent
 




Follow Us

Picture stories


Tv Channel
News Paper Links
Websites Links
تعارف / انٹرویو
مقبول ترین

دلچسپ و عجیب



     
     
تمام اشاعت کے جملہ حقوق بحق ادارہ آپکی بات محفوظ ہیں۔
Copyright © 2017 apkibat. All Rights Reserved