تازہ ترین  

حالات نے ہنسی میرے ہونٹوں سے چھین لی
    |     1 years ago     |    شاعری
اٹھے کہیں سے درد جگر تم کو اس سے کیا
لیتے نہیں ہو میری خبر تم کو اس سے کیا

دو ہی قدم چلی تھی پڑے چھالے پاوں میں
غم سے ہے چور ذوق سفر تم کو اس سے کیا

حالات نے ہنسی مرے ہونٹوں سے چھین لی
روتی ہوں اب میں شام و سحر تم کو اس سے کیا

کاغذ کا پھول چھو لوں تو وہ بھی مہک اٹھے
دیکھو نہ تم جو دست ہنر تم کو اس سے کیا

دیکھو نہ مجھ کو ہنس کے زمانہ خراب ہے
رسوائی کا ہے مجھ کو بھی ڈر تم کو اس سے کیا

منزل پکارتی ہے چلے آو جلد تم
ہے اونچی نیچی ترچھی ڈگر تم کو اس سے کیا

زریاب سے یہ تم نے کہا چاہتا ہوں میں
پتھر سی ہوگئی ہے نظر تم کو اس سے کیا
........................
ہاجرہ نور زریاب





Comments


There is no Comments to display at the moment.



فیس بک پیج


مقبول ترین

اسلامی و سبق آموز


نیوز چینلز
قومی اخبارات
اردو ویب سائٹیں

     
تمام اشاعت کے جملہ حقوق بحق ادارہ آپکی بات محفوظ ہیں۔
Copyright © 2018 apkibat. All Rights Reserved