تازہ ترین  

مرے احساس پر تیری صدا سے چوٹ لگتی ہے
    |     1 years ago     |    شعر و شاعری
نہیں آو کہ اب آوازِ پا سے چوٹ لگتی ہے
مرے احساس پر تیری صدا سے چوٹ لگتی ہے

تجھے خود اپنی مجبوری کا اندازہ نہیں شاید
نہ کر عہد وفا ُ عہد وفا سے چوٹ لگتی ہے

یہ سب باتیں مناسب ہیں مگر پھر بھی میرے ہمدم
تغافل کی ترے ہلکی ادا سے چوٹ لگتی

ہواو تم ذرا ٹھہرو نہ خوشبو ایسے بکھراو
میں نازک ہوں مجھے باد صبا چوٹ لگتی ہے

یہ خط اپنے سنبھالو تم، حسیں لمحے بھی لے جاو
مجھے ایسی محبت کی عطا سے چوٹ لگتی ہے

تمہارے بعد رنگینی کوئی بھاتی نہیں مجھ کو
ہتھیلی کو بھی اب رنگ حنا سے چوٹ لگتی ہے

میری دھڑکن میں جن بے تابیوں نے ڈیرا ڈالا ہے
انہی بے تابیوں کی انتہا سے چوٹ لگتی ہے

بہت حساس ہے زریاب کو جھکنا نہیں آتا
قبا پھولوں کی بھی ہو تو قبا سے چوٹ لگتی ہے
................................
شاعرہ: ہاجرہ نور زریاب
آکولہ مہاراشٹر انڈیا





Comments


There is no Comments to display at the moment.



فیس بک پیج


مقبول ترین

اسلامی و سبق آموز


نیوز چینلز
قومی اخبارات
اردو ویب سائٹیں

     
تمام اشاعت کے جملہ حقوق بحق ادارہ آپکی بات محفوظ ہیں۔
Copyright © 2018 apkibat. All Rights Reserved