تازہ ترین  

دنیا کا دھوکہ
    |     11 months ago     |    اسلامی و سبق آموز
اس کا بے جان جسد چارپائی پر پڑا تھا اس کی والدہ،بہن، بھائی شدتِ غم سے چیخ چیخ کر اسے پکار رہے تھے اسکا والد تو غم سے نڈھال دیوار کیساتھ گم سم بیٹھا تھا اور میں ایک طرف کھڑا آنسو بہاتے ہوئے ان دردناک مناظر کو دیکھ رہا تھا۔۔

ندیم میرا بچپن کا دوست تھا ہم اکٹھے پلے بڑھے، کھیلے کودے، بنیادی عصری تعلیم کےبعد حفظ قرآن کےلیے ایک ہی مدرسے میں داخل ہوئے۔ حفظ کی دستار بندی بھی ایک ساتھ ہوئی اس کے بعد درسِ نظامی کے لیے بھی ایک ہی جامعہ میں ہم نے داخلہ لیا۔ درجہ ثالثہ تک ہم نے اکٹھے رہے پھر ندیم کو نہ جانے کیا ہوا اس نے جامعہ چھوڑ کر کالج جانے کا ارادہ کر لیا۔۔

وہ کالج تھا اور میں مدرسے مگر ہماری دوستی اسی طرح قائم تھی جب بھی ملنا اکٹھے مل کر شرارتیں، تبصرے، سیر سپاٹا سب چلتا تھا بس ماحول اور مزاج کے فرق کیوجہ سے کبھی کبھی آپس میں بحث بھی ہو جاتی۔۔۔

اس نے کالج جاتے ہی کلین شیو کر لی تھی اور مجھے داڑھی سے محبت تھی میں بے تکلفی کی وجہ سے اسے کہ دیا کرتا کہ عاشقِ رسول صاحب یہ محبوب کی سنت کیوں چہرے سے ہٹا دی؟ وہ برا منائے بغیر کہتا یار ابھی بڑی لمبی زندگی پڑی ہے کبھی رکھ ہی لوں گا

جس سال میرا درسِ نظامی (عالم کورس) مکمل ہوا اس سال وہ پی ایچ ڈی کر رہا تھا وہ مجھے جامعہ میں ملنے آیا تھا میں نے کہا ندیم دیکھو تم بھی اگر مدرسہ نہ چھوڑتے تو آج مکمل عالم ہوتے اس نے میری اس بات کا برا منایا اور مذاق اڑاتے ہوئے کہا "مولوی بن کر کیا ملنا تھا مجھے " اس کی بات سن کر میں خاموش ہو گیا

اس کی پی ایچ ڈی مکمل ہوئی وہ بہت خوش تھااسکا روشن مسقبل اسے نظر آ رہا تھا بہت سی بہترین جابز اسکی منتظر تھیں مگر اچانک آج بائیک پر جاتے ہوئے اسے حادثہ پیش آگیا اور اب ندیم مر چکا تھا اس کا روشن مستقبل اس کے ساتھ ڈوب گیا تھا

ابھی بڑی لمبی زندگی پڑی ہے۔۔مولوی بن کر میں نے کیا کر لینا ہے اور مجھے کیا ملے گا۔اس کے الفاظ میرے کانوں میں گونج رہے تھے اور مجھے عبرت دلا رہے تھے

قرآن کی آیت بھی میرے کانوں میں گونج رہی تھی
یاایھاالناس انّ وعداللہ حق فلا تغرَّنکم الحیٰوۃالدنیا
مفہوم:اے لوگو اللہ کا وعدہ برحق ہے (یعنی موت کا وعدہ) کہیں دنیا کی زندگی تمہیں دھوکے میں نہ ڈال دے

میں سوچ رہا تھا دنیا کا دھوکا یہی تو ہے کہ ابھی بڑی لمبی زندگی پڑی ہے نیکیوں کے

تحریر۔ محمد عاصم کھمب






Comments


There is no Comments to display at the moment.



فیس بک پیج


مقبول ترین

اسلامی و سبق آموز


نیوز چینلز
قومی اخبارات
اردو ویب سائٹیں

     
تمام اشاعت کے جملہ حقوق بحق ادارہ آپکی بات محفوظ ہیں۔
Copyright © 2018 apkibat. All Rights Reserved