تازہ ترین  

میں کام ایسے نرالے کررہا ہوں
    |     10 months ago     |    شاعری
میں کام ایسے نرالے کر رہا ہوں
کہ شعروں کو نوالے کر رہا ہوں

تمہاری زندگی ہے خود جیو تم
تجھے تیرے حوالے کر رہا ہوں

ہے اپنے جرم کا اقرار مجھ کو
میں لفظوں سے اجالے کر رہا ہوں

یہ نفرت کیوں مجھے سونپی گئی ہے
عمل تو پیار والے کر رہا ہوں

جوانی کو ہے تھوڑا وقت درکار
ابھی تو بال کالے کر رہا ہوں

اسیری بھا گئی ہے رفتہ رفتہ
سو زنجیروں کو تالے کر رہا ہوں

عمر لوٹا ہوں چاہت کے سفر سے
شمار اب اپنے چھالے کر رہا ہوں





Comments


There is no Comments to display at the moment.



فیس بک پیج


مقبول ترین

اسلامی و سبق آموز


نیوز چینلز
قومی اخبارات
اردو ویب سائٹیں

     
تمام اشاعت کے جملہ حقوق بحق ادارہ آپکی بات محفوظ ہیں۔
Copyright © 2018 apkibat. All Rights Reserved