تازہ ترین  

ونڈوز 10 کو اپڈیٹ کرنے سے پہلے یہ خبر لازمی پڑھ لیں
    |     1 week ago     |    سائنس و ٹیکنالوجی
اگر تو آپ اپنے کمپیوٹر میں موجود فائلوں کو محفوظ رکھنا چاہتے ہیں تو پھر آپ کو ونڈوز 10 کے نئے ورژن کو اپ ڈیٹ کرنے سے گریز کرنا چاہئے۔  ڈان نیوز کی ایک رپورٹ کے مطابق ڈیجیٹل ٹرینڈز کی رپورٹ کے مطابق کچھ ونڈوز 10 صارفین نے ونڈوز 10 اکتوبر اپ ڈیٹ کو انسٹال کیا، جو کہ رواں ہفتے ہی ریلیز کی گئی تھی، تو انہیں مختلف مسائل کا سامنا کرنا پڑا، جن میں فائلیں ڈیلیٹ ہوجانا، جو دوبارہ ریکور بھی نہیں ہورہیں جبکہ پراسیسر کا غیرضروری استعمال، جس سے بیٹری لائف کم ہورہی ہے۔ مائیکرو سافٹ کے ایک ترجمان کے مطابق ان دعوﺅں پر تحقیقات کی جارہی ہے جبکہ اس نکتے کی جانب بھی نشاندہی کی کہ صرف ایڈوانسڈ صارفین نے ہی اس اپ ڈیٹ کو انسٹال کیا ہے۔ فی الحال ونڈوز 10 والے کمپیوٹرز میں اس اپ ڈیٹ کو انسٹال کرنے کا 9 اکتوبر تک نہیں کہا جائے گا۔ متاثرہ صارفین کے مطابق ان کے یوزر ڈائریکٹری کے فولڈرز جیسے ڈاکومینٹس اور پکچرز میں موجود فائلیں اپ ڈیٹ کے بعد غائب ہوگئیں۔ جب ان صارفین نے اپ ڈیٹ کو ریورس کرکے ونڈوز کے پرانے ورژن کو بحال کیا تو بھی وہ فائلیں واپس نہیں آئیں۔

ایک صارف نے تو مائیکرو سافٹ سپورٹ فورم میں بتایا کہ اس کا 200 جی بی ڈیٹا نئی اپ ڈیٹ انسٹال کرنے کے بعد اڑ گیا، جبکہ دیگر فورمز میں بھی لوگوں نے اس سے ملنے جلتے مسائل کا ذکر کیا۔ اسی طرح انٹیل ڈسپلے سے مطابقت نہ کرپانے پر اس نئی اپ ڈیٹ کے نتیجے میں پراسیسر غیرضروری طور پر کام کرکے لیپ ٹاپس کی بیٹری لائف کم کررہا ہے اور اس مسئلے سے بھی مائیکرو سافٹ آگاہ ہے۔ کمپنی نے ممکنہ طور پر متاثر ہونے والی ڈیوائسز میں اس نئی اپ ڈیٹ کو ڈاﺅن لوڈ بلاک کرنا شروع کردیا ہے۔ کمپنی کے مطابق صارفین ونڈوز 10 اکتوبر اپ ڈیٹ کو مینوئلی اپ ڈیٹ نہ کریں بلکہ اپ ڈیٹ ناﺅ بٹن یا میڈین کرئیشین ٹول کو استعمال کریں۔





Comments


There is no Comments to display at the moment.



فیس بک پیج


مقبول ترین

اسلامی و سبق آموز


نیوز چینلز
قومی اخبارات
اردو ویب سائٹیں

     
تمام اشاعت کے جملہ حقوق بحق ادارہ آپکی بات محفوظ ہیں۔
Copyright © 2018 apkibat. All Rights Reserved