تازہ ترین  

ایدوں ویکھ ۔۔۔۔۔رُس ناں میرے نال گل کر
    |     1 month ago     |    شعر و شاعری
رُس ناں
میرے نال گل کر
ایدوں ویکھ مُکھ نا پرتا میرے نال گل کر
گل کر ٹُٹے ہوئے قول تے ہُٹھے ہوئے قرار دی
گل کر چاواں دے وَنَج دی تے رِیجھاں نال کیتے وپار دی
میرا حال نہ ویکھ
لیراں نا ویکھ تے نا ای میرے جُسے چوں وگدیاں ہَجیراں
ایہہ میرا حال نئیں
توں مینوں کل ویکھ
پُھٹویں بہار میرے سَریر دے کَریر اِچ مہکدی اے
بھوئیں دے جُسّے اُتے راہواں دیاں تَریڑاں
گھاہ دے لیف اچ نِگھیاں تریڑاں
پالا کنھوں ایں
جئیں پاپ کیتا؟
میں جنت دے باگوں نئیں نِکلیا
میں بھوئیں دا جم آں
بھوئیں وانگوں برباد ہو کے وی آباد ای ریہناں واں
توں میتھوں ڈَر تے نا ای کِھجھ
میرے اَلوں ویکھ
میرے مَن اِچ کِھڑدی بہار اَلوں ویکھ
میتھوں مُکھ نہ پَرتا





Comments


There is no Comments to display at the moment.



فیس بک پیج


اہم خبریں

تازہ ترین کالم / مضامین


نیوز چینلز
قومی اخبارات
اردو ویب سائٹیں

     
تمام اشاعت کے جملہ حقوق بحق ادارہ آپکی بات محفوظ ہیں۔
Copyright © 2018 apkibat. All Rights Reserved